Дала арыстаны Абай өңірінің экожүйесін сақтайды

Енді «Семей Орманы» FlyArystan-мен бірге орманды және оның экожүйесін қалпына келтіру жолындағы келесі кезеңге: көшет өсіруге көшті. FlyArystan қызметкерлері «Семей Орманы» Мемлекеттік Орман Табиғи Резерваты Канонер филиалында болды, оның аумағында қарағай ағаштарын өңдеуге арналған швед жабдығымен жабдықталған Қазақстандағы жалғыз орман питомнигі мен орман тұқым станциясы кешені іске қосылды. Осы жабдықтың арқасында шымтезек субстратына орналастырылған конустардан жоғары сапалы тұқымдар алынады. FlyArystan әуекомпаниясы сатып алған шымтезек субстратын пайдаланып, осы тұқымдардан өсірілген көшеттер үш жылыжайға отырғызылады, онда жақын арада жеделдетілген технология бойынша жабық тамыр жүйесі бар 1 миллионнан астам қарағай көшеттері өседі. 

«Тұқымдар егілген кассеталар сәуір айының басында жылыжайға салынып, маусымның ортасында немесе аяғында қатаю алаңына шығарылады. Содан кейін күзде олар отырғызу үшін тікелей орманға жөнелтіледі. FlyArystan әуекомпаниясы ұсынатын финдік шымтезек субстратының арқасында жабық тамыр жүйесі бар көшеттердің сапасы мен өмір сүру деңгейі әлдеқайда жоғары», - деді «МОТР «Семей Орманы» РММ бас директорының орынбасары Алпысчалов Ғани Көксегенұлы.

«Біз қорықтағы барлық отырғызу процесін үлкен қызығушылықпен және белсенділікпен бақылап отырмыз. Біз орманды қалпына келтіру жолындағы тағы бір кезеңді өз көзімізбен көрдік. Өңірдегі негізгі әуетасымалдаушы ретінде біз туризмді дамытуға ғана емес, Абай өңірінің әл-ауқатын арттыруға үлес қосып келеміз. Өрттен зардап шеккен орман алқабын қалпына келтірудің еліміздің экологиясы үшін маңызы зор. Белдемді орманның тұтастығын бұзу тікелей орман астындағы топырақта орналасқан су қоймасының бұзылуына әкеледі. Сондықтан жас ағаштарды отырғызу арқылы тек зардап шеккен аумақты ғана емес, массивтің бүкіл экожүйесін (ауданның флорасы мен фаунасын) қалпына келтіру күтілуде. FlyArystan командасы қазірдің өзінде осы үлкен шараға қатысушылардың тізімін дайындап жатыр және ниет білдіргендерді күзгі көгалдандыруға шақырады», - деп бөлісті FlyArystan сату және маркетинг жөніндегі директоры Мәдина Бужинова.

Осыған дейін FlyArystan Семейге гуманитарлық жүктерді тасымалдауға қолдау көрсеткен, сонымен қатар өртті сөндіру кезінде қаза тапқан отбасылар мен туыстарына тегін әуебилеттерін ұсынған болатын. Әуе тасымалдаушысы қоғамның әл-ауқаты мен нығаюына бағытталған әлеуметтік жобаларды әзірлеуді және жүзеге асыруды жалғастыруда. Осы жобаларға бірегей "Көмек" бағдарламасы (қарт адамдарға және мүмкіндіктері шектеулі жандарға әуебилеттеріне жеңілдіктер), "Человек в маске" және "Asar-ume" қайырымдылық қорларымен серіктестік, "Территория успеха" қоғамдық бірлестігімен ынтымақтастық (сал ауруына шалдыққан балаларды оңалту) орнатып және басқа да жобаларда үлес қосудамыз.

Естеріңізге сала кетейік, FlyArystan әуекомпаниясы аптасына Семейден Астанаға, Алматыға 13 рейс және Шымкентке 2 рейс (1 маусымнан бастап) орындайды, әуе билеттерін ерте брондау үшін 12 000 теңгеден бастап алуға болады.